नेपाल पूर्वाधार पत्रकार समाजले पोलिसी ईन्टरप्रेनेर्स इंक -पी=ई=आई=_ को सहयोगमा ‘मिडिया क्यापासिटी डेभलेपमेन्ट’ कार्यक्रम अन्तर्गत पूर्वाधार पत्रकारहरुको लागि पूर्वाधार रिसर्च फेलोशिपको आह्वान गरेको छ । यस अनुसार वातावरण, सुशासन, लैंगिक समता र समावेशीतालाई केन्द्रित गरेर विभिन्न पूर्वाधार परियोजनाहरुको विस्तृत सामाग्री तयारीका लागि यो फेलोशिप प्रदान गर्न लागिएको हो । यी विषयमा पी=ई=आई=सँगै सहकार्य गरी फिल्डमै पुगेर अडियो र भिडियोसहित सामाग्री तयार गर्नुपर्नेछ । तयार गरिएको सामाग्री तपाई आवद्ध मिडियामा प्रकाशन÷प्रशारण गर्नुपर्नेछ । अडियो र भिडियोका लागि तपाईलाई प्राविधिक सहयोग उपलब्ध हुनेछ ।
कार्यक्रम अन्र्तगत २०८० जेठ ५ गते काठमाडौंमा ‘इन्फ्रास्ट्रक्चर गर्भनेन्सः ओरिएण्टेशन फर जर्नालिष्ट्स’ विषयमा कार्यक्रम आयोजना गरिएको थियो । सो कार्यक्रममा सहभागी भएकामध्ये समावेशीतालाई आधार बनाएर जुरी कमिटीले चार जना पूर्वाधार पत्रकारहरुलाई छनोट गर्नेछ । छनोट भएका पूर्वाधार पत्रकारले जनही एक लाख रुर्पैयाँ रिसर्च फेलोशिपवापत प्राप्त गर्नेछन् । आगामी १० दिन (२०८० जेठ २५ देखि असार २ गते) भित्र प्रस्ताव पेश गर्न कार्यक्रममा सहभागी सबै पत्रकारहरुलाई आह्वान गरिन्छ ।
प्रस्तावको ढाँचा र स्वरुप
१. तपाईले प्रस्ताव गर्न खोजेको पूर्वाधार क्षेत्रका परियोजनाभित्रको विषयवस्तुको शीर्षक, यसको छोटो परिचय, विषयवस्तुको छनोटको उद्देश्य र सान्र्दभिकता, जानकारी तथा सुचना संकलनको विधि, यसका सम्भावित स्रोतहरु तथा यसबाट प्राप्त तथ्य, तथ्यांकहरुको पूर्वाधार क्षेत्रमा महत्वबारे उल्लेख गर्ने ।
२. फेलोशिप लेख्ने विषयवस्तुहरु वातावरण, सुशासन, लैगिक समता र समावेशीता मुद्दामध्ये कुन विषयमा लेख्न खोजेको उल्लेख गर्ने । एक पूर्वाधार पत्रकारले एकभन्दा बढी विषयमा पनि प्रस्ताव पेश गर्न सक्नेछन् तर एक विषयमा एक मात्र प्रस्ताव पेश गर्नुपर्नेछ ।
३. प्रस्तावित सामाग्रीका संकलन डेढ महिनाभित्र पूरा गर्नुपर्ने भएकोले यसको समयतालिकासहित प्रस्ताव गर्नुपर्नेछ ।
३. प्रस्ताव बढीमा दुई पेज हुनुपर्नेछ ।
प्रस्ताव पठाउने ठेगाना र इमेल
नेपाल पूर्वाधार पत्रकार समाज
फोन नं. ९८४१२९०४३९, ९८४३७०८०४९, ९८५१३२८४४४
इमेलः nepalsij@gmail.com वेबसाइट wwwsijnepal.com.np
